Link açıqlığı

Makedoniya akimiyeti qanunsız köçip kelgenlerniñ sayısı apansızdan artqanından sebep Yunanistan ile sıñırda fevqulâde vaziyetni ilân etti. Bunı Radio Svoboda bildire.

Bu tedbirler sıñırnı blok etmege ve meseleniñ al etilmesi içün ordu yardımını çağırmağa imkân bere.

İçki işler nazirliginiñ matbuat kâtibi İvo Kotevski memleketniñ paytahtı Üsküpte matbuat konferentsiyasında çıqışta bulunıp, fevqulâde vaziyetniñ esas vazifeleri – ealiniñ telükesizligini temin etecek tedbirlerni quvetleştirmek ve Makedoniyada sığınaq alacaq olğan insanlarnıñ içtimaiy vaziyetini al etüvde mesüliyetni arttırmaq, dep bildirdi.

Yaqın Şarq ve Afrika memleketlerinden Yunanistanğa ketken ve Avropa Birliginiñ farqlı memleketlerine ketecek olğan qaçaqlarnıñ esas tranzit yollarından biri Makedoniyadan keçe.

Birleşken Milletler Teşkilâtınıñ qaçaqlar işleriniñ idare yolbaşçısı Antoniu Guterriş cumaaqşamı künü, avgust 20-de, France-Press agentligine dedi ki, Avropa memleketleriniñ qanunsız alda kelgenlernen bağlı meseleni al etmek ıntıluvlarına cemaat arasında qaçaqlarğa qarşı menfiy munasebetler keder ete.

XS
SM
MD
LG