Link açıqlığı

Militsiya İrinа Bilıknıñ Qırım ziyareti boyunca teşkerüvlerni keçire – QMC prokuraturası


Ukraina cemaatçılarınıñ ukrain yırcısı İrinа Bilıknıñ Rusiye tarafından işğal etilgen Qırım ziyaretine qıymet kesmek talabı QMC İçki işler nazirligine berildi, dep bildirdi Kiyevde avgust 20 künü keçirilgen matbuat konferentsiyasında QMC prokurorınıñ birinci muavini Nazar Holodnitskiy.

«Onıñ tarafından yapılğan bozuluvlar aqta malümatnı teşkermek kerek. Bu kibi bozuluvlarnıñ teşkerüvi içki işler organlarına ait olğanı sebebinden biz tünevin bu muracaatnı yañı teşkil etilgen QMC İçki işler nazirligine yolladıq ve işni nezaret altına aldıq», – dedi Holodnitskiy.

Evel «Ukrainskiy dom» emek ve medeniy işbirlik Qırım merkezi» cemaat teşkilâtınıñ başı Andrey Şçekun Ukraina Baş prokuraturası yanındaki QMC prokuraturasından yaqında Rusiye tarafından işğal etilgen Qırımnı ziyaret etken ve Rusiye yıldızları arasında vaqıt keçirgen ukrain yırcısı İrina Bilıknıñ areketlerine qıymet kesmege talap etкен эди.

Ukraina halq artisti İrina Bilık yaqında işğal etilgen Qırımğa kelgenini bildirgen edi. Bu aqta yırcı cuma künü, vgust 14-de, Facebook saifesinde cemaatçılıqnıñ onıñ Yaltağa kelgen Rusiye yırcısı Filipp Kirkorov ile fotoğa olğan munasebetini izaatlap yazdı.

XS
SM
MD
LG