Link açıqlığı

Saatnıñ esas haberi

Parubiy: Qırımda cinaiy teşkilâtlar arasında cenk başlandı


Ukraina Yuqarı Şurasınıñ reisini muavini Andriy Parubiy dey ki, işğal etilgen Qırımda «Rusiye tarafını tutqan cinaiy teşkilâtlar özara cenkleşmege başladı».

Bunı o avgust 19 künü «5 kanal» efirinde bildirdi.

«Rusiye tarafını tutqan cinaiy teşkilâtlar arasında ziddiyetler peyda olmağa başladı, özara cenkleşeler. Ve, elbette ki, Putin (Rusiye prezidenti) vaziyet kergin olğanını köre ve şunıñ içün bu aqta qasevet ve qorqu ile ayta. Amma o, vaziyetni tış küçler kerginleştire degende, bir şeyni qayd etmege isteyim: işğal etilgen yarımadada vaziyetni kerginleştirgen esas küç – işğalci akimiyet», – dey Parubiy.

«Onıñ (Putinniñ) vaziyet kerginleşüvinden qorqqanı – doğrudır, çünki bütün işğal etilgen topraqlarda ayaqları tübünde topraq yanacaqtır», – dep qoştı o.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar. Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG