Link açıqlığı

Ukraina ükümeti Qırım Muhtar Cumhuriyeti ve Aqyar meseleleri boyunca vekâletli şahıs vazifesiniñ teşkil etilmesi aqta qarar leyhasına qol tuttı.

Bunı Ukraina Regional inkişaf Nazirliginiñ matbuat hızmeti bildire.

Beyanatta aytılğanı kibi, leyha «Qırım Muhtar Cumhuriyeti ve Aqyar şeeriniñ meseleleri boyunca devlet siyasetini ve qırımtatar halqınıñ aq ve menfaatınıñ qoruvında demokratik ümdelerni amelge keçirmek maqsadı ile» qabul etildi.

Vesiqağa köre, vekâletli şahıs Nazirler kabinetiniñ Kâtibiyetine kirecek ve devlet hızmetçileriniñ birinci kategoriyasına kirecek, aylıq seviyesi – nazir muavininiñ aylığı kibi olacaqtır.

Bu vazifege kim keçecek, belgisiz.

2014 senesi mart ayında Rusiye Qırımnı işğal etkeninden soñ, Hersonda Ukraina prezidentiniñ Qırımdaki daimily temsilciligi, Kiyevde yerleşken Ukraina Baş prokuraturası yanındaki QMC prokuraturası, Ukraina Nazirler kabineti kâtibiyetiniñ QMC ve Aqyar işleri boyunca Ukraina departamenti, Ukraina ükümeti yanındaki Qırım ve Aqyar meseleleri boyunca Devlet hızmeti peyda oldı. Soñkisinde 2015 senesi mayıs ayında yolbaşçı vazifesine – Qırımtatar Milliy Meclisi reisiniñ muavini Aslan Ömer Qırımlı keçti.

Ukraina prezidenti yanında qırımtatar halqınıñ işerinden vekâletlisi Mustafa Cemilevniñ ofisi teşkil etildi.

XS
SM
MD
LG