Link açıqlığı

Qırımnıñ rusiyeli akimiyeti yarımadağa yaqın kelecekte çetel siyasetçileriniñ kelmesi aqqında malümatnı tasdiqlamay. Bu aqta Qırımnıñ şimdiki başı Sergey Aksenov bildire.

«Mende muayyen diplomat ya da siyasetçilerniñ kelecegini tasdiqlağan iç bir vesiqa yoqtır», – dedi o «Russkaya slujba novostey» radiostantsiyasına bergen intervyüsinde.

Malüm olğanı kibi, işğal etilgen Qırımnı oktâbr ayında ziyaret etmek niyetleri aqqında «Beş yıldız» italyan muhalif areketiniñ deputatları bildirgen ediler.
Ukraina Tış işler nazirligi er bir memleketke işğal etilgen Qırımğa kiriş qaidelerini yollağan edi – ziyaretni Ukraina tarafı ile uyğunlaştırmaq kerek.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar. Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG