Link açıqlığı

Avgust 19 künü Rostov-na-Donu şeeriniñ Şimaliy-Kavkaz arbiy mahkemesiniñ toplaşuvında terrorizmde qabaatlanğan ukrain rejissörı Oleg Sentsov öz soñki sözünde mahkemeden bir şey soramaycağını aytıp, Mihail Bulgakovnıñ sözlerini tsitata etip ketirdi.

«Er keske er şey añlayışıla. İşğalcilerniñ mahkemesi adaletli olamaz. Şahsiy bir şey yoq, efendim. Pontiy Pilat, Ayda oturğanda, afu etilgende, Ga Notsri ile ketken vaqıtta, oña dünyada eñ büyük günâh – qorqaqlıq olğanını ayttı. Bunı belli yazıcı Mihail Bulgakov yazdı, men de onen razım», – dedi Sentsov.

O, oña qarşı çıqmağa istemegen Gennadiy Afanasyevniñ cesürligini qayd etti ve Rusiye televizionına «kompliment» etti. «Pek yahşı teşviqat», – dedi Sentsov.

Rejissör Maydan adiselerini hatırlattı ve Rusiyelilerge qorqmamaqnı tiledi.
«Teşviqatqa inanmağan insanlar daa öz sözüni aytır. Bizde de cinaiy akimiyet edi. Sizde cinayetçilerniñ yolbaşçılıq etkenini istemeyim. Rusiyelilerge qorqmamaqnı ögrenmege tileyim», – dedi Sentsov ve alğışlarnı qazandı.
Mahkemeciniñ aytqanı kibi, Sentsov ve Kolçenkoğa ükümni avgust 25 künü seslendire bileler.

Devlet qabaatlayıcısı Sentsov içün – 23 yıllıq qattı nizamnı, Kolçenkoğa – 12 yıllıq apis cezasını bermege rica etti. Sentsovnıñ imayesi esnasnıñ obyektivsizligini qayd etip, müşterisini aqlamağa rica etti.

Oleg Sentsov ve Aleksandr Kolçenkonı 2014 senesi baarde Rusiye tarafından işğal etilgen Qırımda yaqaladılar. Olarnı yarımadada teraktlarnıñ azırlanuvında qabaatlaylar.

«Memorial» uquq qoruyıcı merkezi olarnı siyasiy mabus olaraq tanıdı.

XS
SM
MD
LG