Link açıqlığı

Cemaatçılar QMC prokuraturasından İrina Bilıknıñ Qırım ziyaretine qıymet kesmege talap eteler


«Ukrainskiy dom» emek ve medeniy işbirlik Qırım merkezi» cemaat teşkilâtınıñ başı Andrey Şçekun Ukraina Baş prokuraturası yanındaki QMC prokuraturasından yaqında Rusiye tarafından işğal etilgen Qırımnı ziyaret etken ve Rusiye yıldızları arasında vaqıt keçirgen ukrain yırcısı İrina Bilıknıñ areketlerine qıymet kesmege talap ete. Şçekun bu kibi arizanı prokuraturağa yolladı, haber ete Golos Krıma.

Arizasında faali Bilıknıñ Qırımğa Moskvadan uçqanı aqta aytqan sözlerini qayd ete.

«Bir taraftan İrina Bilık Rusiye Federatsiyası tarafından işğal etilgen Qırımğa kiriş/çıqış qaidelerini bozdı. Amma bunıñ maneviy ceeti de bar: belli insanlardan biri işğal etilgen territoriyağa baracaq olsa, başta, ğaliba, şu topraqtan qaçaqlar ile körüşip, olarnıñ közlerine baqmaq kerek. Memlekette cenk olğanda ve sen memleketniñ bir qısmını zapt etkenge musafirlikke azırlansañ, vatan haini olasıñ ve öz halqına sayğısızlıqnı kösteresiñ», – dey Şçekun.

Bilık ve QMC prokuraturasınıñ buña reaktsiyası şimdilik yoqtır.

Ukraina halq artisti İrina Bilık yaqında işğal etilgen Qırımğa kelgenini bildirgen edi. Bu aqta yırcı cuma künü, vgust 14-de, Facebook saifesinde cemaatçılıqnıñ onıñ Yaltağa kelgen Rusiye yırcısı Filipp Kirkorov ile fotoğa olğan munasebetini izaatlap yazdı.

XS
SM
MD
LG