«İslâm devletiniñ» boyevikleri Suriyeniñ Palmira şeerinde antik abidelerniñ saqçısını, atiqiyatçıni idam ettiler. 82 yaşında Haled Asaadnıñ başını kesip attılar, vucudını şeerniñ baş meydanında antik sutun üstüne astılar.
Bu aqta BBСge Abidelerniñ qoruvı boyunca Suriye müessisesiniñ başı Maamun Abdulkarim bildirdi. Bundan evel Asaadnı bir qaç afta qıynağan ediler, dey Abdulkarim.
Neşirniñ malümatına köre, Palmirada yarım asırdan ziyade çalışqan Haled Asad, UNESKO asabalığı cedveline kirgen şeer «İslâm devleti» boyevikleri tarafından zapt etilgende, esirlikke tüşti. Şeerniñ zaptından soñ 400-den ziyadet insan öldürildi. Boyevikler bir qaç antik eykelni, eki musulman dürbesini bozdı ve, bazı qaynaqlarğa köre, qadimiy şeer boyunca mina qoyğanlar.
