Link açıqlığı

Qırımda Tair Smedlâyevniñ işi boyunca mahkeme toplaşuvı sentâbr ayında keçirilecek


Qırımtatar Milliy Qurultayınıñ merkeziy saylav komissiyasınıñ reisi Zair Smedlâyev bildirgeni kibi, avgust 18 künü Ermeni Bazarnıñ şeer mahkemesinde «mayıs 3» işi boyunca keçken qardaşı Tair Smedlâyevniñ işi baqıldı.

Onıñ malümatına köre, nevbetteki mahkeme toplaşuvı 2015 senesi sentâbr 7-ne planlaştırıla. Tair Smedlâyevni akimiyet temsilcisine zarar ketirgeninde qabaatlaylar.

«Qabaatnıñ ifadesi öz özünden saçmalıdır. Birinciden Tair küç qullanmağan edi, «feda» ise akimiyet temsilcisi degil edi, atta Rusiye qanunlarına köre. Amma Tair yaqalanğan olsa ve taqiqat izolâtorında bulunsa, onıñ aqlanılacağını beklemege acet yoq», – уаzdı Zair Smedlâyev Facebookta

Evel Qırımnıñ rusiyeli prokuraturası Ermeni Bazarnıñ şeer mahkemesi Aqmescit rayonınıñ sakini 45 yaşında Edem Ebulisov «mayıs 3» işi boyunca qabaatlı olğanını bildirdi. Oña 40 biñ ruble miqdarında para cezasını berdiler.

XS
SM
MD
LG