Salı künü, avgust 18-den, Aqmescitniñ rusiyeli akimiyeti ticaret içün kelişmegen yerlerde alış-veriş yapqan tuccarlarğa para cezalarını berecek, dep bildire Aqmescit memuriyetiniñ başı Gennadiy Baharev.
Onıñ sözlerine köre, aynı bu şekilde akimiyet Kozlov soqağında bozulğan çarşı yerindeki ticaret ile küreşecek.
Memuriyet beyanatında bildirilgeni kibi, ticaret içün kelişmegen yerlerde alış-veriş içün vatandaşlarğa 5 000 rublege qadar memuriy cezanıñ, yuridik şahıslarğa – 200 000 ruble miqdarında para cezasınıñ berilmesini nazarda tuta.
«Kene bir kere tüşünmege rica etem, aile bücetinden on biñ rublelik para cezasını tölemek kerekmi, yoqsa eyisi – qanuniy yolnı saylamaq», – dey Baharev.
Evel Aqmescit akimiyeti Kozlov soqağındaki çarşını bozıp aldı. Yerli akimiyet bildirgeni kibi, iş adamları Aqmescitniñ diger çarşılarında yer tapqanlar.
