Link açıqlığı

Avropa birliginiñ temsilcisi: Qırımğa yüksek seviyeli ziyaretlerni Ukraina ile uyğunlaştırmaq kerek


Avropa birliginde Rusiye tarafından Qırımnıñ qanunsız areketini alâ daa tanımaylar ve yarımadağa yüksek seviyeli ziyaretlerni Ukraina ile uyğunlaştırmaq kerek olğanını tüşüneler, haber ete UNİAN.

«Avropa birligi Qırım ve Aqyarnıñ qanunsız işğalini defalarca takbih etti ve tanımay. Yarımadağa yüksek seviyeli ziyaretler mıtlaqa ukrain akimiyeti ile uyğunlaştırılmaq kerek», – dedi agentlikke AB Tış hızmetiniñ temsilcisi Rusiye prezidenti Vladimir Putin ve baş naziri Dmitriy Medvedevniñ Qırım ziyaretini izaatlap.

Bazarertesi künü, avgust 17-de, Yaltada Rusiye prezidenti Vladimir Putin Rusiye Devlet şurası prezidiumınıñ turizm inkişafı boyunca toplaşuvını keçirdi.

Ukraina prezidenti Petro Poroşenko Rusiye prezidenti Vladimir Putinninniñ Ukraina tarafı ile uyğunlaştırılmağan Qırım ziyaretini – medeniy dünyağa qarşı areket olaraq adladı. Ukraina Tış işler nazirligi Rusiye prezidenti Vladimir Putin ve baş naziri Dmitriy Medvedevniñ işğal etilgen Qırım ziyaretine narazılığını bildirdi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar. Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG