Gürcistannıñ sabıq prezidenti, şimdi Odessa vilâyet devlet memuriyetiniñ başı Mikheil Saakashvili Rusiye prezidenti Vladimir Putinniñ avgust 17 künü Qırım ziyaretini izaatlap, Sovet Birliginde yıllarca yolbaşçılıq etken İosif Stalinni hatırlattı.
Saakashvili de Rusiye başınıñ yarımada ziyaretini «qanunsız» adladı.
«Vladimir Putin özüniñ Qırımğa qanunsız ziyareti vaqtında Ukrainada çetel vatandaşları devlet vazifelerine tayinlengeninden yazıqsınuvını bildirdi. Belki men adaştıram, amma bu 30 yıl devamında Vladimir Vladimiroviç pek sağınğan memlekette yolbaşçılıq etken bir gürcige daima eyi munasebette bulunğan Putin degilmi?» – yazdı Odessa vilâyet devlet memuriyetiniñ başı Facebookta.
Saakashvili 2015 senesi mayıs soñunda Odessa vilâyetiniñ başı vazifesine tayinlendi.
Bazarertesi künü, avgust 17-de, Yaltada Rusiye prezidenti Vladimir Putin Rusiye Devlet şurası prezidiumınıñ turizm inkişafı boyunca toplaşuvını keçirdi.
Ukraina prezidenti Petro Poroşenko Rusiye prezidenti Vladimir Putinninniñ Ukraina tarafı ile uyğunlaştırılmağan Qırım ziyaretini – medeniy dünyağa qarşı areket olaraq adladı. Ukraina Tış işler nazirligi Rusiye prezidenti Vladimir Putin ve baş naziri Dmitriy Medvedevniñ işğal etilgen Qırım ziyaretine narazılığını bildirdi.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar. Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta
