Link açıqlığı

Rusiyeniñ Yekaterinburg şeerinde ana-baba oğullarına Krım adını qoydılar.

Bu aqta salı künü Rusiye matbuat vastaları yaza.

«Krım Aleksandroviç adı. Bu bala 2014 senesi Yekaterinburgnıñ Lenin rayonınıñ ZAGS bölügi tarafından qayd etildi», – dedi «İnterfaks» agentligine Sverdlov vilâyetiniñ ZAGS idaresiniñ reberi Natalya Kurnayeva.

«İstoriya familli» Rusiye araştırma merkeziniñ müdiri Vladimir Maksimov aytqanı kibi, tarihiy vaqialar ile bağlı adlarnı bermek kibi adet er bir halqta bardır.

«Qırımnıñ Rusiyege qoşuluvı – er bir Rusiye vatandaşı içün müim bir vaqiadır. Ve balağa yarımada adını bermege – bir şaşırtacaq adise degil, standart olmasa da», – dedi o «İzvestiya» neşirine.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG