Link açıqlığı

Rusiye prezidenti Vladimir Putin Qırımda medeniyetniñ inkişafına federal bücetten ayırılğan 1,6 mlrd ruble bu sene yarımadağa öyle de yetip kelmegeninden ayrette qala.

Bunı avgust 17 künü Qırımda turizm boyunca Devlet şurası preizidumınıñ toplaşuvı vaqtında ögrendiler, haber ete Qırım.Aqiqat.

«Avgustnıñ ortası… Amma aqça qayda? Aqça qayda? Olar ne içün işhanelerde degil, Qırım bücetinde degil? Avgustnıñ 17 künü endi», – dep soray Putin Rusiye Federatsiyasınıñ medeniyet naziri Vladimir Medinskiyden.

«Aqça Medeniyet nazirliginiñ planında», – dey nazir.

Toplaşuvda bulunğan Qırımnıñ rusiyeli başı Sergey Aksenov işbu meseleni Qırım işleri boyunca Rusiye Nazirliginiñ yoq etilmesi ve Rusiye ükümeti tarafından regionnıñ inkişafı boyunca yekâne federal programmasınıñ keç imzalanuvı ile añlattı.

«Afta soñuna qadar cedvel uyğunlaştırılır», – dep vade etti Aksenov.

Qırımda bazarertesi künü Rusiye Federatsiyasında turizm inkişafına bağışlanğan Devlet şurası prezidiumınıñ toplaşuvı keçe. Kremlniñ matbuat hızmeti bildirgeni kibi, Putin Qırımnıñ milliy cemaat teşkilâtlarınıñ temsilcileri ile körüşecektir.

Rusiye ekspertleriniñ fikrine köre, Putinniñ yarımada ziyareti vatanperverlikniñ arttırılmasına yol berip, dünyağa Rusiye Qırım ile bağlı muzakere keçirmeycegini añlatacaqtır.

Rusiye prezidenti Vladimir Putinninniñ Ukraina tarafı ile uyğunlaştırılmağan Qırım ziyareti – medeniy dünyağa qarşı arekettir, dey Ukraina prezidenti Petro Poroşenko.

XS
SM
MD
LG