Link açıqlığı

Rusiye prezidenti Vladimir Putinninniñ Ukraina tarafı ile uyğunlaştırılmağan Qırım ziyareti – medeniy dünyağa qarşı arekettir, dey Ukraina prezidenti Petro Poroşenko.

«Putinniñ Ukraina akimiyeti ile uyğunlaştırılmağan Qırım ziyareti – medeniy dünyağa qarşı arekettir ve Rusiye arbiyleri tarafından Donbassta amelge keçirilgen ziddiyetniñ devamıdır», – dey Poroşenko.

Ukraina devletiniñ başı aytqanı kibi, «Qırımnıñ kelecegi, şu cümleden, turistik kelecegi de, tek Ukraina terkibinde ola bile».

Qırımda bazarertesi künü Rusiye Federatsiyasında turizm inkişafına bağışlanğan Devlet şurası prezidiumınıñ toplaşuvı keçe. Kremlniñ matbuat hızmeti bildirgeni kibi, Putin Qırımnıñ milliy cemaat teşkilâtlarınıñ temsilcileri ile körüşecektir.

Rusiye ekspertleriniñ fikrine köre, Putinniñ yarımada ziyareti vatanperverlikniñ arttırılmasına yol berip, dünyağa Rusiye Qırım ile bağlı muzakere keçirmeycegini añlatacaqtır.

XS
SM
MD
LG