Link açıqlığı

Qırımnıñ er yerinde Rusiye prezidenti Vladimir Putiniñ süreti ve «Qırım. Rusiye. Ömürlik» kibi yazılı billboardlar peyda oldı.

Rusiye başı ile levhalar binalarda ve Qırım yollarınıñ çetlerinde asılğan. Qırımlılar bunı Putinniñ Qırım ziyareti ile bağlaylar. Mında o avgust 17 künü Devlet şurası prezidiumınıñ toplaşuvını keçire.

«Bir qaç kün evelsi şeer boyunca astılar», – tarif etti Qırım.Aqiqatqa Keriç aydavcılarından biri.

Qırımda bazarertesi künü Rusiye Federatsiyasında turizm inkişafına bağışlanğan Devlet şurası prezidiumınıñ toplaşuvı keçe. Kremlniñ matbuat hızmeti bildirgeni kibi, Putin Qırımnıñ milliy cemaat teşkilâtlarınıñ temsilcileri ile körüşecektir.

Rusiye ekspertleriniñ fikrine köre, Putinniñ yarımada ziyareti vatanperverlikniñ arttırılmasına yol berip, dünyağa Rusiye Qırım ile bağlı muzakere keçirmeycegini añlatacaqtır.

XS
SM
MD
LG