Link açıqlığı

Saatnıñ esas haberi

Keriç parom keçitiniñ işini nezaret etken «Deñiz müdirligi» teşkilâtınıñ malümatına köre, avgust 17 künü limanda biñden ziyade maşina nevbette tura.

Müdirlikniñ malümatına köre, «Kavkaz» limananda 570 yengil maşina, 4 avtobus, 32 «GAZel» ve 5 yük maşinası tura. «Slavânsk-na-Kubani» meydançığında 28 yük maşinası, «Kerç» limanınıñ «Krım» terminalında – 180 yengil ve 20 yük maşinası tura, «Aeroport» meydançığında – 320 yük maşinası ve 18 «GAZel» tura.

«Keriç parom keçiti adetiy rejiminde çalışa. «Kavkaz-Qırım» yolağında «Pobeda», «Olimpiada», «Krım», «Protoporos-IV», «Glikofilouza-III» ve «Mayor Çapiçev» paromları qatnay. «Kavkaz – Keriç deñiz ticariy limanı»nda «Kerçenskiy-2» paromı yüre», – denile beyanatta.

Yaqında Qırım tarafından Keriç keçitinde nevbet olmağanı aqta bildirgen ediler.
Keriç boğazından parom keçiti – işğal etilgen Qırımnı qıtaiy Rusiye ile bağlağan yekâne naqliyat arteriyasıdır.

XS
SM
MD
LG