Link açıqlığı

Qırımda toponimika boyunca konferentsiyanı keçirmege ve onı qırımtatar haritacısına bağışlamağa isteyler


«Larişes» Qırım tarihiy müzey-qoruğınıñ tesisçisi Güliver Altin bu sene Qırım hanı Mengli Girey adına ilmiy forumı çerçivesinde toponimikanıñ ögrenilmesi boyunca er yıllıq konferentsiyanı teşkil etmek niyetindedir. Konferentsiyanı haritacı, İstanbulda ilk Osman basmahanesiniñ hadimi, qırımtatarı Ahmed Qırımige bağışlamağa isteyler.

«Aqiqaten Qırım toponimikasınıñ ve Rusiye, Ukraina, Qazahistan, Romaniya, Moldovanıñ türk toponimlarınıñ ögrenilmesi boyunca daimiy işniñ olması lâzim», – yazdı Altin Facebookta.

Onıñ malümatına köre, 2011 senesi «Larişes» Qırım tarihiy müzeyiniñ açılması vaqtında Ahmed Qırımi adına Qırım toponimikasınıñ müzeyi de teşkil etildi. O vaqıt 50 metr kare meydanlığında 1550-1941 senelerine ait bir 30 (olğan 100-den) haritanı taqdim etken ediler.

«Menimce, sergi zenginleşir ve kösterilmegen haritalarnı taqdim etermiz», – dey Altin.

2014 senesi mayıs ayında Qırımnıñ rusiyeli başı Sergey Aksenov ükümet tarihiy serlevalarnıñ qaytarılması üzerinde çalışacağını bildirgen edi.

XS
SM
MD
LG