Link açıqlığı

Bazarertesi, avgust 17-de, Rusiye baş naziri Dmitriy Medvedev iş ziyareti ile Qırımğa baracaq.

Rusiye ükümetiniñ matbuat hızmeti bildirgeni kibi, Medvedev Stereguşçeye Qırım köyünde «Tavrida» Bütünrusiye yaşlar forumı»na baracaq ve forum iştirakçileri ile körüşecek ola. Rusiye baş naziri «Teatr ve kino aktör, rejissörları» yarışınıñ ğaliplerini taqdirlev merasiminde çıqışta bulunacaq», denile beyanatta.

Tedbir iştirakçileri arasında Rusiye tasil ve ilim naziri Dmitriy Livanov ve Gençlerniñ işleri boyunca federal agentliginiñ reberi Sergey Pospelov de qayd etilgen.

İsditaltı gençlerni toplaycaq forum yarımadada sentâbr 2-ne qadar devam etecek. İlk sefer forum yarımadada bıltır, Qırım endi işğal etilgende, keçirildi.

Evel Kremlniñ matbuat hızmeti Putinniñ avgust 17 künü Qırım ziyareti aqqında bildirdi. Onıñ çerçivesinde Rusiye Federatsiyasında turizm inkişafına bağınşlanğan Devlet şurasınıñ prezidiumı toplanacaq. Putinniñ Qırımnıñ milliy cemaat teşkilâtlarınıñ temsilcileri ile resmiy olmaycaq körüşüvi planlaştırılğanı aqta da bildireler.

XS
SM
MD
LG