Bazar künü, avgust 16 künü, Herson vilâyetinde qırımtatar halqınıñ yerli meclislerini sayladılar. Saylayıcılarnıñ faalligi 59% teşkil etti.
Bu aqta «Tatar medeniy merkezi» yerli hayriye teşkilâtınıñ azası Alim Suleymanov bildire.
«Olğan malümatqa köre, bugünki saylavlarğa qatnav 59% teşkil etti. Bu kerçekten de halqımıznıñ birligini köstergen yüksek bir köstergiç», – yazdı o Facebookta.
Qırımtatar Milliy Qurultayınıñ Merkeziy saylav komissiyasınıñ reisi Zair Smedlâyev de saylaycılırnıñ yüksek qatnavını qayd etti.
«Em de bu regionda yaşağan qırımtatarlarnıñ büyük bir qısmı köy işleri ve turizm biznesi ile oğraşqan vaqıtta, raatlanıcılarnıñ sayısı ise mında, eñ yahşı seneleri bile olmağanı kibidir», – qayd etti Smedlâyev.
Suleymanov «Hersonskі fakti» neşirine aytqanı kibi, saylavlarda 8 namzet kösterilgen edi, olardan Meclisniñ beş azasını saylamağa kerek edi. Olar ise öz seviyelerinde Herson Meclisiniñ başını saylaycaqlar. 8 namzetten – beş qadın.
Umumen, Herson vilâyetinde 10 biñ qırımtatarı yaşay. Herson şeeri qırımtatarlarnıñ toplu yaşağan yerlerine ait. Esas qısmı Geniçesk rayonında yaşay, mında da yerli meclis saylavları keçirilgen edi.
Meclis – qırımtatarlarnıñ milliy parlamenti – Qırımtatar Milliy Qurultayınıñ icraiy organı ola.
