Qırımtatar Milliy Meclisiniñ reisi, Ukraina Yuqarı Şurasınıñ deputatı Vladimir Putin Qırım ziyareti vaqtında, avgust 17 künü, işğal etilgen yarımada içün bazarlıq esaslarını seslendirecegini tüşüne.
Çubarov işbu esaslarnıñ sırasında «qırımtatar meselesi» qullanılacağını tüşüne.
«Qırımda ğarp dünyanıñ yetekçileri ile beklenilgen bazarlıq temeline qoyulacaq esaslarnı seslendirir: «siz bizge Qırımnı, biz – Donetsk ve Lugansk vilâyetlerinden kete miz…». Bu sebepten Putinniñ nutqunda qırımtatar meselesi de aytila bile», – yazdı o Facebookta.
Evel Kremlniñ matbuat hızmeti Putinniñ avgust 17 künü Qırım ziyareti aqqında bildirdi. Onıñ çerçivesinde Rusiye Federatsiyasında turizm inkişafına bağınşlanğan Devlet şurasınıñ prezidiumı toplanacaq. Putinniñ Qırımnıñ milliy cemaat teşkilâtlarınıñ temsilcileri ile resmiy olmaycaq körüşüvi planlaştırılğanı aqta da bildireler.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
