Ukraina halq artisti İrina Bilık yaqında işğal etilgen Qırımğa kelgenini bildirdi. Bu aqta yırcı cuma künü, vgust 14-de, Facebook saifesinde cemaatçılıqnıñ onıñ Yaltağa kelgen Rusiye yırcısı Filipp Kirkorov ile fotoğa olğan munasebetini izaatlap yazdı, – haber ete Qırım.Aqiqat.
İrina Bilik aytqanı kibi, o dostunıñ toyuna keldi eken. Bunıñ ile yırcı matbuat vastalarında onıñ Qırımğa kelgeni ile bağlı aleketi boyunca öz ayretligini bildirdi.
«Yaqın dostumnıñ toyuna keldi. Aqlanmağa – küçsüz insanlarnıñ işi, men yapmaycam», – yazdı o.
Kün evelsi Rusiye yırcısı Filipp Kirkorov İnstagramda İrina Bilık ile fotonı aşkâr etti.
«Aqşamnıñ devamı, resmiy olmağan qısım. Efsaneviy İrina Bilık – «Sneg» yırımnıñ müellifi ve İgor Krutoy – «Radost moya» yırımnıñ müellifi ile»,– yazdı Kirkorov.
Bundan soñ İrina Bilıknıñ Facebook saifesinde onıñ Qırım ziyaretini takbih etken ukrainlerniñ izaatları peyda olmağa başladı.
İrina Bilık – ukrain yırcı ve bestekârı. Ukraina halq artisti. 1997 senesi yırcı «Parad hit-paradov» festivalinde ğalebe qazana. 2002 senesi avgust ayında «Yach Film» (Poloniya) festivalinde iştirak ete. 2006 «Showbiz AWARD» «Eñ yahşı yırcı» namzetliginde ğalebe qazana. 2013 senesi Rusiyede «Dorojnoye radio»dan mukâfat ala ve Rusiyeniñ «halq» artisti olaraq tanıla.
