Yaltada, sentâbr 11 künü, «Yalta-İnturist» musafirhanesiniñ «Hrustalnıy» kontsert salonında «Miss Krım-2015» yarışı keçirilecek. Bu aqta «Krıminform» saytı bildire.
«Tac namzetleriniñ videovizitkalarını Qırımnıñ 20 diqqatqa lâyıq olğan yerinde çıqaracaqlar. İştirakçilerniñ portretlerini Qırımda ösken ve Qızıl kitapqa kirsetilgen 47 ösümlik fonunda taqdim eterler», – deyler teşkilâtçılar.
Olarnıñ sözlerine köre, tedbir «tabiatqa muqayt yanaşuvnı, sağlam ayat tarzını teşviqat etecek, Qırımnıñ güzel tabiatını, diqqatqa lâyıq yerlerini kösterecektir».
Bildirilgeni kibi, tedbir çerçivesinde yarış teşkilâtçıları «Yaşa» hayriye fondu ile birlikte kanser hastalığı olğan balalarğa yardım aktsiyasını keçirecekler.
Yarışnı Rusiye aktörları Yelena Podkaminskaya ve Aleksandr Suvorov alıp baracaqlar, musafirler – «Gorod 312» gruppası, aktör ve yırcı Goşa Kutsenko, «GK» gruppası.
«Miss Krım - 2015» ğalibi Vernadskiy adına Qırım federal universitetinde bedava tasil almaq aqqını ve ton qazanacaq.
