Wikİpedia saytınıñ platformasında keçirilgen «Ukrainanıñ diqqatqa lâyıq yerleri: Qırım» yarışında «Diqqatqa lâyıq olğan qırımtatar yerleri» namzetligi açıldı. Bu aqta Qırım.Aqiqat mühbirine «Wikimedia Ukraina» icraiy müdiri, ukrain «Wikipedia»sınıñ reberi Natalya Tımkiv bildirdi.
Onıñ sözlerine köre, yarış çerviçesinde ayrı namzetlikniñ peyda olmasından evel qırımtatar mevzusında endi eki maqale çıqqan edi.
«Qırımtatarlarnıñ diqqatqa lâyıq olğan yerleri aqqında maqaleler arasında – Bağçasaraynıñ Orta ve Yeşil camileri. Cami binalarınıñ taqdiri farqlı, amma ağır edi, olar cenk ve zelzele vaqtında zarar körgenler. Amma birinci 2013 senesi ğayrıdan quruldı, 1946 senesi bozulğan ekinci caminiñ yeri bile tam belli degil», – tarif ete Natalya Tımkiv.
Hatırlatamız, iyün 26 – avgust 31 künleri Wikipedia saytınıñ platfomrasında «Ukrainanıñ diqqatqa lâyıq olğan yerleri: Qırım» yarışı devam ete.
Yarış çerçivesinde er istegen insan Wikipediada taqdim etilgen namzetlikte maqaleni yaza bile: «Qırımnıñ diqqatqa lâyıq olğan yerleri», «Qırım sımalarda», «Qırımnıñ areketli yerleri», şimdi «Diqqatqa lâyıq olğan qırımtatar yerleri» adlı yañı namzetlik peyda oldı, «Wikimedia Ukraina»dan ediyelerniñ olması beklenile.
