KORWIN Poloniya firqasınıñ yetekçisi, Avropa parlamentiniñ deputatı Janusz Korwin-Mikke saylav kampaniyasınıñ soñuna qadar Qırımğa barmaycağını bildire, amma bu ziyaretiniñ ola bilecegini red etmey.
Bu aqta onıñ matbuat kâtibi Warshavada radio Svoboda mühbirine bildirdi.
KORWIN firqasınıñ saylav bölüginiñ matbuat kâtibi Konrad Berkoviçaytqanı kibi, saylavlardan evel firqa yetekçisi Qırımğa barmaycaq, saylavlarlan soñ ise bu ziyareti ola bile.
«Firqa yetekçisi Qırımğa memnüniyet ile baracağını açıqtan ayttı, amma al-azırda saylav kampaniyası kete, şunıñ içün ziyaret olamaz», – qayd etti matbuat kâtibi. Bunıñ ile o, aytqanı kibi, ziyaret «er vaqıt keçirile bile».
Janusz Korwin-Mikke Avropa Birligine şübeli munasebetinde bulunıp, Qırım işğalini «tabiiy» protsess olaraq tanıy.
Poloniyada parlament firqalarından başqa iç biri onıñ Ukrain-Rusiye ziddiyetine olğan munasebetine qol tutmay.
Poloniyada parlament saylavları oktâbr 25 künü olacaq.
