Link açıqlığı

Rusiye muhalifi, «Sıñırsız Maydan» cemaat areketiniñ tesisçilerinden biri Valeriy Otstavnıh Rusiyeniñ Anayasa mahkemesine Qırımnıñ işğalini Rusiye Devlet dumasınıñ Esas qanunına ters kelgen areket olaraq tanımaq kibi talabı ile muracaat etti.

Bunı Otstavnıh Kiyevde çıqışta bulunıp bildirdi.

Onıñ sözlerine köre, bu kibi arizalarnı muhalifetniñ daa eki temsilcisi Mihail Anşakov ve Konstantin Seleznöv de bergenler.

«Biz davanı berdik, Rusiyeniñ yuridik ceamaatçılığı, ukrain ve halqara toplulığınınıñ diqqatını Qırımnıñ qanunsız qoşuluvına celp etmek içün Anayasa mahkemesine muracaat etik. Devlet duması (bu ise Rusiyeniñ yuqarı qanun çıqarıcı organıdır) em Rusiye Anayasasını, em halqara uquqnı boza. Davamız dünua toplulığına bu kolliziyağa seslenmege ve iç olmağanda onı izaatlamağa imkân berir», – dey Valeriy Otstavnıh.

Rusiye Qırımnı 2014 senesi mart ayında işğal etti. Aprelde Ukraina Yuqarı Şurası «Ukrainanıñ vaqtınca işğal etilgen territoriyasında vatandaşlarnıñ aq ve serbestliginiñ teminlevi aqta» qanunını qabul etti.

XS
SM
MD
LG