Link açıqlığı

Kiyev mahkemesi Qırımnıñ sabıq deputatı Ganışnıñ apis müddetiniñ uzattırılmasını baqcaq


Kiyev mahkemesi cuma künü, avgust 14-de, devlet hainliginde şeklengen Qırım Yuqarı Şurasınıñ sabıq deputatı Vasiliy Ganışnıñ işi boyunca toplaşuvnı keçirecek.

Bu aqta Qırım.Aqiqat mühbirine siyasetçiniñ advokatı Andrey Rudenko bildirdi.

«Şu sırada, mazkeme müşterimniñ ceza qararanıñ uzattırılması aqta sualni baqacaq», – dey Rudenko.

Toplaşuv saat 12:30 başlanmaq kerek, mahkemede reislikni mahkemeci Aleksandr Fedük eda etecek.

Kiyev şeeriniñ Peçersk rayon mahkemesiniñ mahkemecisi Yuliy Farkoş çarşenbe künü iyün 24-de qıtaiy Ukrainada QMC prokuraturasınıñ sabıq Qırım deputatı Vasiliy Ganışqa tevqif müddetiniñ uzattırılması aqta şefaatını qabul etti. Sabıq deputatnıñ tevqifi avgust 16-na qadar uzattırıldı, prokuratura ise iyül 19-na qadar uzatmağa rica etken edi.

Aprel 28-de Ukraina havfsızlıq hızmeti Ukraina Devlet sıñır hızmeti ile beraber onı Qırım çıqışında yaqaladılar. Ganış apiske alındı, çünki onı qıdıra ediler. Baş prokuratura onı devlet hainliginde şekley. Ukraina taqiqatçılarınıñ malümatına köre, Ganış Qırım statusı aqqında «referendum» keçirilmesine rey bergenlerden biri edi, ve böyle etip Ukraina topraq bütünligine zarar ketirmege tırıştı.

XS
SM
MD
LG