Qırımda Rusiye uquq qoruyıcılar Ukrain medeniy merkeziniñ faallerini Veldar Şukurciyev ve İrina Kоpılovanı yaqaladılar. Bu aqta Ukrain medeniy merkeziniñ tesisçilerinden biri Leonid Kuzmin bildirdi.
«Qırımda razı olmağanlarğa qarşı repressiyalar devam ete. Böylece, avgust 12 künü, Aqmescit şeerinde Ukrain medeniy merkeziniñ faallerini Veldar Şukurciyev ve İrina Kopılovanı yaqaladılar. Olarnı, tüşüniñ! ukrain bayrağı ile foto yapqanları içün yaqaladılar! Qanun qayda? Adalet qayda?!», – yazdı o Facebookta.
Birazdan Şukurciyev Facebookta olarnı sorğudan soñ azat etkenlerini yazdı.
Qırım.Aqiqat bu ziddiyet aqta Qırımnıñ uquq qoruyıcılarından izaat almağa tırışa.
