Türkiye baş naziri Ahmet Davutoğlu dey ki, ükümetniñ esas muhalif firqası ile muzakereler muvafaqiyetli olmadı, bu sebepten nevbetten tış saylavlarnıñ keçirilmesi mumkün oldı, haber ete Radio Svoboda.
«Ortaqlıq içün temel bar olğanını añladıq», – dedi Davutoğlu cumaaqşamı künü, avgust 13-de muhalif «Cumhuriyet halq firqası»nıñ yetekçisi Kemal Kiliçdaroğlu ile körüşüvinden soñ.
Türkiyede yañı ükümetniñ teşkil etilmesi içün soñ müddet kelecek afta soñunda biter.
«Aq ve adelet» firqasınıñ yetekçisi Davutoğlu dey ki, nevbetten tış saylavlarnıñ keçirilmesi mümkün. «Aqiqaten nevbetten tış saylavlarnıñ keçirilmesi – Türkiye içün yekâne imkândır», – dedi Davutoğlu.
Kemal Kiliçdaroğlu aytqanı kibi, Ahmet Davutoğlu muvaqqat ya da azlıq ükümetini teşkil etmege teklif etti. Kiliçdaroğlu nevbetten tış saylavlarnı yekâne imkâniyet olaraq tanımağa yañlış olğanını qayd etti.
«Aq ve adalet» firqası iyün 7 künü parlamentte çoqluqnı ğayıp etti. 2002 senesinden ilk sefer öyle oldı.
