Kivde «Qırım, nasıl edi» vesiqalı filmniñ tizerini taqdim ettiler. Qırım.Aqiqat mühbiri bildirgeni kibi, ukrain arbiyleriniñ yarımadağa arbiy istilâğa qarşı areketleri aqqında tarif etken filmniñ qısımlarını Ukrain buhraniy media-merkezinde numayış ettiler.
«Bu filmde tek arbiy ceetni degil de, maneviy-siyasiy ve içtimaiy-ahlâqiy taraflarnı da köstermege tırışamız. Bu da pek müim – insanlar nege rastkeldi, nasıl manialarğa, bugünge qadar nasıl bir maneviy yükni taşıylar», – dedi film müelliflerinden biri Sergey Malârçuk.
Kino müellifleri aytqanı kibi, filmniñ baş qaramanları – Rusiye Federatsiyası tarafına keçmegen ukrain ordusınıñ asker ve zabitleri. Filmni 2015 senesiniñ soñuna qadar çıqarıp bitirmege planlaştıralar
Rusiye Qırımnı 2014 senesi mart ayında işğal etti.
