Link açıqlığı

Qırımnıñ Rusiye akimiyeti tarafından qırımtatarlarnıñ ayırımı Ukraina baş naziri Arseniy Yatsenükniñ Meclis yetekçileri – Ukraina prezidentiniñ qırımtatar halqınıñ işlerinden vekâletlisi Mustafa Cemilev ve Meclis reisi Refat Çubarov ile körüşüvinde muzakere etildi.

Bu aqta Ukraina ükümetiniñ matbuat hızmeti bildire.

«İşğalci akimiyetniñ tarafından qırımtatarlarnıñ ayırımına, insanlarnıñ ğayıp olunuvına, öldürüv, cami ve evlerniñ tintüvleri, milliy menlik ve hatıra aqaretlevi kibi meselelerge ayrı diqqat etildi. Körüşüv iştirakçileri şunı qayd ettiler ki, Ukraina ükümeti, vatandaşlıq cemiyeti ve halqara toplulıqnıñ küçleri qırımtatarlarnıñ aq-uquqlarınıñ qorçalanmasına sarf etilmeli», – denile beyanatta.

Körüşüv iştirakçileri qırımtatar halqınıñ siyasiy, iqtisadiy, medeniy ve maneviy aqlarınıñ qoruvı, onıñ halqara temsilciligi ve Qırım musulmanlarınıñ öz diniy duyğularını ifadelemek içün imkâniyetleriniñ teminlevi aqta söz yürüttiler.

Mustafa Cemilev ve Refat Çubarov Ukraina baş naziriniye Ankaradaki II Bütündünya qırımtatar kongressiniñ neticeleri aqqında tarif ettiler ve qırımtatar halqı Ukraina ve ükümetiniñ printsipial mevamınıñ qıymetini bilgenini qayd ettiler.

Arseniy Yatsenük kene bir kere devlet Meclisni qırımtatar halqınıñ vekâletli organı olaraq tanığanını bildirdi ve onıñ faaliyetine çeşit taraflama yardımnı köstermege söz berdi.

XS
SM
MD
LG