«İncirlik» Türkiye ava bazasında yerleşken Amerika qırıcıları Suriye territoriyasında «İslâm devleti» ekstremist teşkilâtı boyevikleriniñ mevzilerine ava ücümlerini keçirdi.
Keçken afta AQŞ Türkiye arbiy bazasına Suriye ve İraq territoriyasına ücümlerni keçirgen Halqara koalitsiya küçleriniñ destegine altı qırıcını attı.
Bu ava bazasınıñ İslâm devletine qarşı qullanılması aqta muzakereler eki yıl devamında keçirile edi. Türkiye akimiyeti buña boyevikler Türkiyeniñ sıñırdaş rayonlarında bir qaç büyük terakt etkeninden soñ razılığını berdi.
Bunıñ ile Türkiyede ekstremistler ile işbirlikte bulunğanlarnı yaqalamağa devam eteler. Bir altı yüz insan yaqalandı, olarnıñ arasında üçü – Rusiye vatandaşıdır.
