Link açıqlığı

Ukrain boksçusı, qırımlı, 2012 senesi Olimpik çempionı Aleksandr Usik Qırımnı öz evi olaraq saya ve yarımadağa kirişiniñ yasaq etilecegi aqta bir şey eşitmedi, haber ete Qırım.Aqiqat.

«Bilmeyim, siz bunı internetten alasıñız, oquysız. Maña bu aqta kimse bir şey aytmadı. Bunı bir yerde eşitmedim. Qırım – evimdir ve evim olacaq. Meni anda seve ve ürmet eteler», – dedi Usik Kiyevde.

Qırım.Aqiqat boksçudan Qırım akimiyeti onı ğalebeleri ile hayırlaymı dep soradı.

«Evge kelgende, elbette ki, klubda meni hayırlaylar, akimiyet ise… Bilmeyim, belki de, hayırlay, amma men bunı eşitmeyim», – dedi Usik.

Bildirilgeni kibi, «Spravedliva Rossiya» firqasınıñ regional bölüginiñ başı Aleksandr Yüryev Qırımğa boksçu Aleksandr Usikke kirişini yasaq etmege teklif etken edi.

Avgust 29 künü Kiyevniñ Sport sarayında Usik-Muller arasında uruş keçirildi. Onıñ arfesinde Aleksandr Usik Kiyevde açıq idmannı keçirdi.

XS
SM
MD
LG