Link açıqlığı

Qırımnıñ Saq şeeri yazıcılarnı, ukrain yazıcılarını da, şu cümleden, «Münever mevsimine» davet ete


Rusiye Kurort ve turizm nazirligi Saq şeerinde «Münever mevsimi» edebiy-muzıkalı festivalini ilân ete. Nazirlik Qırımnıñ turizm saasınıñ vekillerini tedbirde iştirak etmege çağıra.

Öz nevbetinde, avgust 14-17 künleri keçirilecek festivalniñ teşkilâtçıları – Saq şeeriniñ rusiyeli memuriyeti ve Qırım yazıcıları birligi ola. «Münever mevsimine» Edebiyatçılarnıñ Avropa kongressi (Praga) qol tutqanı qayd etile.

«Festival çerçivesinde rus, ukrain ve qırımtatar tilinde şiiriyet, nesir eserleri, yırlar yanğıracaq. Tedbirde Moskva, Moskva vilâyeti, Orenburg, Yekaterinburg, Qazan, Leningrad vilâyeti, Rostov-na-Donu, Rostov vilâyeti, Krasnodar, Bratsk, Kiyev, Lugansk, Belgorod, Aqmescit, Aqyar, Kezlev, Balıqlava, Yalta, Kefeden 94 insannıñ iştiraki beklenile»,– denile beyanatta.

Öz nevbetinde, Qırımnıñ rusiyeli medeniyet nazirligi Rusiye, SNG ve çetel musafirleriniñ iştiraki beklenilgeni aqta bildire. Kiyevden kelecek iştirakçiler aqqında bir şey belli degil.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG