Link açıqlığı

«Güzel rus tili» leyhası «ukrain tili»nen bozulğan qırımlılarnı rus tiline ögretir


Rusiyede «Territoriya smıslov» forumınıñ «Leyhalar konveyerinde» «Güzel rus tili» leyhası ğalebe qazandı. Leyha Qırımda rus tilinde olğan hatalar aqqında qanun leyhasınıñ teşviqatını nazarda tuta.

TASS bildirgeni kibi, leyha müellifi – Maksim Şeremetyev oña 250 biñ ruble miqdarında grantnıñ berilmesini qazandı. Şeremetyev dey ki, qırımlılar olarnı «ukrain tilini ögrenmege mecbur etkenleri» sebebinden caildir.

«Qırımlılarnı 24 yıl devamında ukrain tilini ögrenmege ve rus tilini unutmağa mecbur ete ediler», – dey Şeremetyev. Onıñ içün, dey o, yarımadanıñ sakinleri adiy hatalarnı yapıp, til qaideleriniñ bozuluvını körmeyler.

«Vazifemiz – online qitaphanelerni işlep çıqarıp, naqliyatta roliklerni kösterip, risalelerni tarqatıp, qırımlılarnıñ savatlılığı seviyesini arttırmaqtır», – dey Şeremetyev.

Bildirilgeni kibi, daa 56 leyha 150 ve 100 biñ ruble miqdarında grantlarnı qazandı.

XS
SM
MD
LG