Link açıqlığı

Yarımadada,Rusiye izni olmağanından sebep, işini toqtatqan qırımtatar «Meydan» radiosı qıtaiy Ukrainada işine devam ete bile.

Bunı Qırım.Aqiqatqa ATR media-holdinginiñ saibi Lenur İslâmov bildirdi.

«Şimdi bu meseleni Milliy şura ile muzakere etemiz. Boşalğan nice sıqlıq bar. Biz işbu sıqlıqlarğa kirmege ister edik. Milliy şuranıñ qararını bekleymiz, ukrain mekteplerinde qırımtatar tili dersleriniñ alıp barılması ile beraber «Meydan» da Ukraina boyunca yayınlanmaq kerek», – dedi İslâmov.

«Biz er yerde olmalımız ve bizim aqqında er yerde aytmaq kerekler. Çünki qırımtatarlar – Ukrainanıñ güzel, aqıllı ve cazibeli qısmıdır», – qayd etti iş adamı.

Media-holdingge kirgen ATR, Lâle telekanalları, «Lider FM» radiosı kibi, «Meydan» radiostantsiyası da 2015 senesi aprel 1-de işğal etilgen Qırımda yayınlavını toqtattı. İyün 17-den ATR ve Lâle Kiyevden işlemege başladı, «Meydan» radiosını internetten diñlemege mümkün oldı.

XS
SM
MD
LG