Link açıqlığı

Çeçenistan Cumhuriyetiniñ başı Ramzan Kadırov Aqyarnıñ rusiyeli valisi Sergey Menâylodan mukâfatnı elde etti.

Aqyarnıñ rusiyeli ükümeti saytında aytılğanı kibi, Menâylo, Çeçenistan Cumhuriyetinde bulunıp, oınñ başınа «Rusiye baari» vaqtında yardım köstergeni» içün minnetdarlığını bildirdi ve Kadırovnı «Rusiye-Qırım-Aqyar» medali ile taqdirledi.

Beyanatqa köre, Kadırov «ileride de Aqyarlılarğa yardım etmege» söz berdi.

«Şimdi Aqyarğa devletniñ birinci şahısları tarafından ayrı diqqat kösterile. Çeçenistan Cumhuriyeti ileride de Aqyar ile regionlarara bağlarnıñ qaviyleşüvine qol tutacaq», – dedi Kadırov.

Evel Ramzan Kadırov endi Qırım işğali içün mukâfat alğan edi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG