«Narodnıy front» fraktsiyasından Ukraina halq deputatı Nikolay Knâjitskiy 1944 senesi qırımtatarlarnıñ sürgünligini genotsid olaraq tanımağa teklif ete.
Ukraina Yuqarı Şurasınıñ qarar leyhasını deputat parlamente avgust 10 künü qayd etti, haber ete Qırım.Aqiqat.
Qırımtatar Milliy Meclisiniñ reisi Refat Çubarov şunı dey ki, Yuqarı Şurada «ukrain vatanperverlerinden» «Rusiyeden belâğa oğrağan» Qırım ve qırımtatarlarğa kösterilgen böyle destek pek timsaliydir.
Çubarov deputatlar işbu qarar leyhasına qol tutacağından emindir.
Ukrain deputatları Radada sentâbr 1 künü toplanmaq kerektir.
Bildirilgeni kibi, Ankarada Bütündünya qırımtatar kongressiniñ iştirakçileri dünya toplulığını 1783 senesinden başlap Rusiyeniñ qırımtatarlarğa qarşı areketlerini genotsid olaraq tanımağa çağırdılar.
