QMC prokurorınıñ birinci muavini Nazar Holodnitskiy dey ki, devlet hainliginde şeklengen ve Ukrainada qıdıruvğa ilân etilgen 76 deputat qıta kirişinde yaqalanacaq ve mahkemege yollanılacaq.
Bu aqta o Qırım.Aqiqatqa bildirdi.
O, QMC prokuraturasınıñ Qırımnıñ sabıq deputatları – Enver Abduraimov ve Safure Kacemetova ile bağlı mevamı deñişmegenini qayd ete ve al-azırda taqiqatçılar işbu şahıslarnıñ cinaiy işlerge alâqasını ögreneler.
«Şimdilik taqiqat devam ete. Neticelerni yaqın zamanda çıqaracaqlar. Uquqiy qıymet kesilecek ve mütenasip qararlar alınacaqtır. Yani ya da işni qapatacaqlar, ya dа tomet qalacaq».
Matbuat vastalarında Ukrainada devlet hainliginde şeklengen Qırım Yuqarı Şurasınıñ sabıq deputatlarınıñ adları peyda oldı. Qırımtatar Milliy Meclisiniñ yolbaşçılığı bildirgeni kibi, qıdıruvğa ilân etilgen deputatlar sırasına Ukrainağa qarşı areketlerge qoşlumağan soyları da kirdi. Meclis reisi Refat Çubarovnıñ fikrine köre, «satqınlar cedveline» «Qırım regionları» firqasınıñ sabıq deputatı Enver Abduraimov ve «Qurultay-Ruh» firqasınıñ temsilcisi Safurе Kacametova sebepsiz kirdi.
