Avgust 10 künü, Ankara «İslâm devleti» ve kürd boyeviklerine qarşı areket etmege başlağanından soñ, Türkiye havfsızlıq küçlerine etilgen ücümler neticesinde doquz insan elâk oldı.
İstanbulda içi patlav aletine tolu maşina politsiya bölügine etilgen ücümde qullanıldı. Ücüm etkenlerden biri patlav vaqtında öldi, daa ekisi ve politsiya hadimi atış vaqtında elâk oldılar.
Daa eki qadın AQŞ konsullığına ateş açqan edi, işbu ücüm vaqtında kimse zarar körmedi.
Havfsızlıq küçleri ve boyevikler arasında uruşlar ealiniñ büyük qısmı kürdlerden ibaret olğan memleketniñ cenübiy şarqında da faal oldı.
Türkiye iyül başında «terror ile cenk»niñ başlanuvını ilân etti. Şu sırada, Suriyede «İslâm devleti» ve İraq şimalinde «Kürd emek firqası» boyeviklerine ava ücümleri de nazarğa alına.
