Link açıqlığı

Kiselev: çetel çalğıcıları sanktsiyalardan sebep Qırımğa Koktebel Jazz Party festivaline barmaycaqlar


Koktebel Jazz Party festivaliniñ teşkilâtçısı ve teşkiliy komitetiniñ reisi Dmitriy Kiselev aytqanı kibi, bir qaç ecnebiy çalğıcı, sanktsiyalardan qorqıp, festivaldeiştirak etüvden vazgeçmege qarar alğanlar.

Şu cümleden, Kiselev tedbirde çetel çalğıcısı – Arturo Sandovalnıñ iştirak etmeycegi aqqında bildire.

«Başta zemaneniñ ulu borazancısı Arturo Sandoval prodüsserinen afu soravını yolladı ve Qırımğa kelip olamaycağını bildirdi. Koktbelde çıqışta bulunsa, onı cezalar bekley. Sandovalnıñ prodüsseri Frenk Vardaros öyle de yaza: «Bir şey yapıp olamaymız, aks alda Arturo qanunlarnı bozar ve cezalarnı alar. Afu soraymız! Qanunlar deñişse, kelmege memnün olurmız, amma şimdilik bu imkânsızdır», – yazdı Kiselev RİA Novosti blogunda.

Eger de çetel çalğıcıları Kisilövnıñ festivaline barsa, olar, eñ azından, non-grata ola bile, ya da – cinaiy işniñ iştirakçileri. Çünki Ukraina qanuniyetine köre, yarımadağa yalıñız qıtaiy Ukraina qısmından kirmege mümkün, Rusiyeden kiriş – devlet sıñırınıñ bozuluvı olaraq tanıla.

XS
SM
MD
LG