Qırımda Rusiye Federatsiyasınıñ vekâletli temsilcisi Oleg Belaventsev Keriç keçitiniñ havfsızlığını teşkerdi.
Bu aqta avgust 10 künü Keriçniñ Rusiye memuriyetiniñ matbuat hızmeti bildire.
«Keçitte havfsızlıq ve kurort mevsimi devamında yolcularnıñ sayısı artqanı zamanında işni teminlev meseleleri baqıldı», – denile beyanatta.
Belaventsev paromlarğa yüklev ketişatını da teşkerip turdı, birine köterilip baqtı.
«Deñiz müdirligi»niñ baş müdiri Gennadiy Dedkov daa bir iskeleniñ qurucılığı planları aqta bildirdi.
Keriç boğazından parom keçiti – işğal etilgen Qırımnı qıtaiy Rusiye ile bağlağan yekâne naqliyat arteriyasıdır.
