Link açıqlığı

Saatnıñ esas haberi

Çubarov Qırımnıñ mıtlaqa azat etilecegini bildire


Rusiye, Qırımnı işğal etip, halqara uquq qaidelerini bоzdı, qayd ete Qırımtatar Milliy Meclisiniñ reisi Refat Çubarov.

Bazar künü, avgust 9-da, Dünya tamır halqları Künü munasebeti ile Çubarov Facebookta Rusiye, Qırımnı işğal etip, halqara uquqnıñ er angi qaidesini bozğanı aqta bildire, 2007 senesi sentâbr 13 künü BMT Baş assambleyası tarafından qabul etilgen BMT insan aqları aqta Beyannamesini de, şu cümleden.

«Demek, Qırımnıñ işğalden azat etilmesi Rusiyeniñ insan aqları esas yerni alğan halqara uquq çerçivesine mecburen qaytarılması ile keçirilecek», – dedi Çubarov.

Bildirilgeni kibi, Ukraina Tış işler nazirliginde deyler ki, Rusiye işğalci akimiyeti endi 70 yıl evelsi sürgünlik faciasını yaşağan qırımtatar halqınıñ temel aqlarını körmemezlikke ura.

Nazirlikte deyler ki, Rusiye Qırımnıñ işğalini toqtatmaq kerek. Rusiye Qırımnı 2014 senesi mart ayında işğal etti.

XS
SM
MD
LG