Link açıqlığı

Saatnıñ esas haberi

Putin temsilcisi Qırımnıñ Ukrainağa berilmesi aqqında: dostluq olmasa, oyuncaqlarımnı qaytar ve başqa qum havuzına ket


Qırımnıñ 1954 senesi Ukraina terkibine berilmesi «ne sovet, ne çetel qanuniyetine» riayet ete, dedi Qırımda Rusiye prezidentiniñ vekâletli temsilcisi Oleg Belaventsev The Japan Times gazetasınıñ siyasiy mühbiri Gregori Klark ile körüşüvinde, haber ete «Krım.Media».

Onıñ sözlerine köre, işbu qarar Sovet Birliginiñ Kommunistik firqasınıñ Merkeziy komitetiniñ birinci kâtibi – «Nikita Hruşçövnıñ şahsiy teşebbüsidir».

O, vesiqada «teslim etüv Ukraina ve Rusiye halqları arasında ebediy dostluq hatırası» olğanı aqta maddeni hatırlattı.

«Amma dostluq olmasa, bilesiñizmi, qum havuzında kibi – oyuncaqlarımnı qaytar ve diger havuzğa ket», – dey temsilci.

O şunı da qayd etti ki, 90-ncı seneleri Rusiyede «ağır devir edi».

«Ve bu devirde Qırım, añlaşılmağan sebeplerden, Ukrainağa keçti», – dedi Belaventsev.

Rusiye Qırımnı 2014 senesi mart ayında işğal etti. Bundan soñ Rusiye akimiyeti ve Kreml tarafdarları Qırımnıñ Hruşçöv vaqıtları Ukrainağa qanunsız sürette berilmesi aqta aytmağa başladılar.

XS
SM
MD
LG