Link açıqlığı

Cumaertesi künü, avgust 8-de, Rusiye ve Gürcistan arasında arbiy ziddiyetniñ başlanuvına 7 yıl tola.

2008 senesi avgust 8-ne keçer gecesi Tbilisiniñ öz başına ilân etilgen Cenübiy Оsetiya ve Abhaziya cumhuriyetleri üzerinde nezaretini tiklemek ıntıluvından soñ Gürcistanğa Rusiye küçleri kirdi.

Bazı qaynaqlarğa köre, tahminen biñ insan ziddiyet qurbanı oldı.

5 künlük cenkniñ neticesinde Rusiye Gürcistannıñ eki regionı – Abhaziya ve Cenübiy Оsetiyanıñ mustaqilligini tanıdı ve işbu territoriyalarda öz arbiy bazalarına qoşma ordu ve silâlandıruvını kirsetti. Dünya devletleri – Rusiye, Venesuela, Nikaragua ve Naurudan ğayrı – bu territoriyalarnı Rusiye tarafından işğal etilgen Gürcistan toprağı olaraq tanıy.

2012 senesi soñunda, üzülgen diplomatik munasebetlerge baqmadan, Rusiye ve Gürcistan ticariy-iqtisadiy ve gumanitar meseleleri boyunca dialognı ğayrıdan tiklediler.

Gürcistannıñ topraq bütünligine kelsek, işbu sul Kavkazda havfsızlıq ve stabillik boyunca Jeneva munaqaşalarında muzakere etile.

XS
SM
MD
LG