Qırım boyunca Rusiye Taqiqat komiteti Kоktebelniñ rusiyeli memuriyetiniñ başı Rostislav Storojikniñ ölümini tasdiqladı. O, cuma künü asılı tapıldı. Bu aqta RİA-Novosti (Krım) bildire.
«Şimdi mezkür iş boyunca taqiqat işleri alıp barıla», – deyler matbuat hızmetinde.
Kоktebel qasaba memuriyetinde cenaze tarihı ve tafsilâtlı malümatnı bildirmeyler. «Böyle malümat mende yoq», – deyler memuriyette.
Rostislav Storojik 1974 senesi doğdı. Vatandaşlıq aviatsiyası Kiyev halqara universitetini bitirdi. 11 yıllıq iş tecribesi bar. Kоktebel başı vazifesine 2015 senesi aprel 28 künü tayinlendi.
