Link açıqlığı

«Qırım evi Lvivde» köçip kelgenler ve Lviv sakinleri içün festivalni teşkil ete


Lvivde sentâbr 4-5 künleri «Köçip kelgenlerniñ ve lvivlilerniñ festivali» keçecek, dep bildire «Qırım evi Lvivde» cemaat teşkilâtı.

Festival – medeniy köpürlerni birleştirgen bir tedbir olacaqtır. Köçip kelgenler ve lvivliler içün bir birini daa da güzel tanımaq bir imkândır», – denile beyanatta.

İstegenlerni medeniy tedbirge qoşulmağa ve festivalniñ sergisi ve aş ustahanesinde işitarak etmege çağıralar.

Evel «Qırım evi Lvivde» Qırımtatar medeniy merkezi» teşkilâtınnı tesisçisi Alim Aliyev aytqanı kibi, «Qırım evi Lvivde» tek qırımtatarlar içün degil de, diger medeniyetlerniñ merkezi olacaqtır, mında qırımtatar, ukrain, qırımtatar tilleri boyunca dersler, çeşit medeniy tedbirlerniñ keçirilmesi planlaştırıla.

KrımSOS cemaat teşkilâtınıñ bildirgeni kibi, Rusiye Qırımnı 2014 senesi işğal etkeninden soñ yarımadanı 45-50 biñ insan terk etti. Mecliste köçip kelgenlerniñ yarısı – qırımtatarlar olğanını bildireler.

XS
SM
MD
LG