Link açıqlığı

QMC Yuqarı şurasınıñ sabıq deputatı Kacametova: bizde duşman körmege yeter artıq


Qırım Muhtar Cumhuriyetiniñ Yuqarı Şurasınıñ sabıq deputatı Safure Kacametova satqınlar cedveline tüşken deputatlarğa öz qabaatsızlığını isbatlamağa teklif etken QMC prokurorınıñ birinci muaviniñ bildirüvi ile bağlı ayretini bildire.

«Ayağım yaralanğından sebep Ankarada Bütündünya qırımtatar kongressiniñ işine qoşulıp olamadı. Sıñırda meni nasıl bir sürpriz bekleycegini tasavur etem. Ukraina, bizde duşmannı körmege yeter!», – yazdı o Facebookta cuma künü.

Halq deputatı, Meclis reisi Refat Çubarov devlet hainliginde şeklengen Qırım deputatları cedvelinden eki qırımtatarnıñ çıqaruvında israr ete – Enver Abduraimov ve Safure Kacemetova.

Onıñ sözlerine köre, Abduraimov ve Kacametova, Meclis qararına riayet etip, QMC Yuqarı Şurasınıñ nevbetteki (2014 senesi fevral 27-den soñ) toplaşuvlarında ve 2014 senesi mart 15 künü Ukraina Yuqarı Şurası tarafından «Qırım Muhtar Cumhuriyetiniñ Yuqarı Şurası vekâletleriniñ müddetten evel toqtatıluvı aqta» №891 qararınıñ alınuvından soñ endi qanunsız «Qırım devlet şurası» «toplaşuvlarında» iştirak etmey ediler.

Bu sebepten Meclis reisi işbu deputatlarnıñ QMC prokuraturasınıñ cevdeline kirsetilmyesini qanunsız saya.

Ukraina Yuqarı Şurası fevral 13 künü baş prokuraturağa muracaat etip, mart 16-da «referendum»nıñ keçirilmesine alâqası olğan Qırım Yuqarı Şurası ve Aqyar şeer şurasınıñ deputatlarını mesüliyetke çekmege talap etti.

Cevdelde Qırım parlamentiniñ 75 deputatı bar. Daa biri – Vasiliy Ganış aprel 28 künü Qırım çıqışında Ukraina Havfsızlıq Hızmeti ve Ukraina Delvet sıñır hızmetiniñ hadimleri tarafından yaqalandı.

XS
SM
MD
LG