«İslâm devleti» teşkilâtı Suriyeniñ merkeziy Homs belediyesinde yerleşken şeerniñ zapt etüvinden soñ 230 vatandaşnı, şu cümleden 60 hristiannı esir etti.
Londonda insan aqlarınıñ nezaretçileri bildirgeni kibi, vatandaşlarnı avgust 5 künü boyevikler tarafından zapt etilgen Al-Karyatayn şeerinde avgust 6 künü esir aldılar.
Hristianlarnıñ çoqusı Al-Karyatayn şeerine Suriye şimalinde yerleşken Aleppodan qaça edi.
Nezaretçilerniñ reisi Rami Abdel Rahman aytqanı kibi, boyevikler «rejim ile işbirlikte bulunğan»larnı qıdıra edi.
Al-Karyatayn şeerinde cenkten evel 18 000 insan yaşay edi, şu cümleden sunnit musulmanlar ve bir eki biñ katolik ve pravoslav hristianlar.
Neticede şeerniñ hristian ealisi bir qaç yüzge qаdar qısqardı.
