Link açıqlığı

Keriç keçiti rayonında avgust 7 künü furtuna hafı ilân etilgen. Dalğalarnıñ yüksekligi 2 metrge yete, yel küçü – 17 m/s, dep bildireler Qırımnıñ rusiyeli ükümetiniñ Naqliyat nazirligi saytında.

Ava şaraitlerinden sebep Keriç keçitiniñ işinde qıyınlıqlarnıñ ola bilecegi aqta tenbiyeleyler.

«Avgust 7 künü furtuna havfı ilân etilgen. Şimaliy-şarqiy yel 12-17 m/s yete, deñizniñ dalğalanuvı 13-20 dm teşkil ete. Keriç parom keçitiniñ işinde zorluqlar ola bile», – denile beyanatta.

«Deñiz müdirligi»niñ dispetçerler hanesinde bildirilgeni kibi, Keriç parom keçiti işine devam ete. «Kavkaz – Krım» yolağında 4 parom qatnay, «Kavkaz – Keriç deñiz ticariy limanı» yolağında da yük naqliyatınıñ taşuvı içün dört parom çalışa.

Qırımğa Rusiye tarafından nevbette 320 yengil, 376 yük maşinası ve 12 «Gazel» tura. «Krım» limanında – 30 yengil, 20 yük maşinası ve 6 «Gazel».

XS
SM
MD
LG